(DAAWO VIDEO) Shabaab aad ubadan oo lagu soo bandhigay Magaaladda Muqdisho
Hay’ada nabad sugida dowlada Soomaaliya ayaa maanta soo bandhigay dagaalyahano badan oo katirsan Kooxda Al-Shabaab ee kasoo horjeeda dowlada Soomaaliya.
Dagaalyahanadan Shabaab ee lasoo bandhigay ayaa gaaraya ilaa 50-meeyo, waxaana qaarkood lasheegay in howlgalo lagu soo qabtay halka kuwa kalana ay isa soo dhiibeen.
Taliyaha Nabadsugida Gobolka Banaadir Khaliif Axmed Ereg ayaa usheegay saxaafada in ay isa soo dhiibeen dhalinyaradan Shabaab, isagoo carabka ku adkeeyay in dhalinyarada ay haatan fahmeen in dan aysan ugu jirin ka bar bar dagaalanka Shabaab.
Dhalinyaradan ayuu sheegay in loo samayn doono xirfado iyo shaqooyin si nabadaysan ah, isla markaana la hilmaansiiyo dagaaladii ay Shabaab bareen.
Muqdisho ayaa dhawaanahan waxaa kusii badanaya dhalinyaro badan oo sheegaya in ay kasoo go’een Al-Shabaab tan iyo markii laga saaray deegaano badan oo kuyaal Koofurta dalka.
samira on October 26 2012 ·
