Sidii:"Dadka dhintay hadey shacab ahaayeen allaha u naxariito, waxaana loo heystay in gaarigii ay saarnaayeen uu ahaa mid ismiidaamin lahaa"
"Dadka dhintay hadey shacab ahaayeen allaha u naxariito, waxaana loo heystay in gaarigii ay saarnaayeen uu ahaa mid ismiidaamin lahaa" sidaasi waxaa yiri gudoomiyaha gobolka Shabeelaha hoose ee dowlada federaalka Soomaaliyeed, C/Qaadir Maxamd Nuur (Siidii) oo warbaahinta la hadley.
"Dad Ehelkooda uu dhintay ama Dhaawacmey sidey doonaan ayay u hadlayaan, mana u qabaneyno warkooda, Ciidamada Amisom haddii Gaariga ay madfac ku dhufan lahaayeen isagoo dhinaca dowlada ay maamusho ka yimid, waan eedi lahayn, laakiin wuxuu ka yimid dhinaca Qawaarijta, Taas ayaana keentay in xabad xooda looga qaado" ayuu hadalkiisa sii raaciyay.
"Nimankaas (Alshabaab), waxay u ogolaadeen in iyadoo dagaalku socdo uu gaariga u soo dhaqaaqo dhinaca Amisom, waa wax ay ugu talo galeen" ayuu mar kale yiri.
Hadalkan ka soo baxay xalay gudoomiyaha gobolka Shabeelaha hoose ayaa imaanaya iyadoo shalay gaari ay wateen dad shacab ah ay gubeen ciidamada Amisom, kaasi oo dad badani ku dhaawacmeen, kuwa kalena ay ku geeriyoodeen.
